Сыбайлас жемқорлыққа қарсы мәдениетті қалыптастыру, қоғамда сыбайлас жемқорлыққа төзбеушілікті көрсететін құндылықтар жүйесін сақтау және нығайту мақсатында Мемлекеттік әлеуметтік тапсырысты іске асыру шеңберінде Мағжан Жұмабаев ауданының ішкі саясат, мәдениет және тілдерді дамыту бөлімі және Солтүстік Қазақстан облысы бойынша «Жас Отан» корпоративтік қоры ауданның мемлекеттік қызметшілері арасында ағымдағы жылдың қыркүйек айында сыбайлас жемқорлыққа қарсы мақалалар конкурсын ұйымдастырды.

Бүгін 2023 жылғы 29 қыркүйекте байқау қорытындысы шығарылды. Құзыретті қазылар алқасының шешімімен тұрғын үй-коммуналдық шаруашылық, жолаушылар көлігі және автомобиль жолдары бөлімінің тұрғын үй мәселелері жөніндегі бас маманы Дамир Қуандықұлы Исабаев жеңімпаз атанды. Оның жұмысы барлық қатысушылар арасында ең жақсы шығармашылық жұмыс деп танылды.

Мағжан Жұмабаев ауданының мемлекеттік қызметшілері осындай іс-шараларға белсенді қатысып, қоғамды жақсартуға ұмтылып, сыбайлас жемқорлықтың барлық көріністеріне төзбеушілікпен қарайтыны қуантады!